【 生果盅 大比併】食生果最豪食法 西瓜Vs菠萝Vs木瓜＠大

食西瓜, 食菠萝, 食木瓜, 切片切粒粒进食, 原来已经Out, 潮流竟然兴起原个 生果盅 照食??

我第一次接触就是在今年青衣大戏棚, 食原只西瓜盅…老实又真的好过瘾, 但因为外卖, 没有铁匙羹, 所以当日西瓜底部的肉太浪费…

大围有新开街坊韩国菜馆, (只开业不足三期), 内里就有原只菠萝沙冰, 正到爆!!

店员家伦:「真係㗎…你有冇兴趣入厨房睇睇??」(我咁八卦, 梗係求之不得啦…)

家伦专登选了一个大号菠萝给我作示範…(真係十几箱菠萝叠到人咁高喎)

阿轩一边切菠萝, 我一边问:「係米你哋抄青衣大戏棚个西瓜特饮呀??」

家伦:「唔係喎…E个菠萝沙冰係韩国好普遍㗎咋, 通街都係, 可能香港无人整啫…」(未去过韩国嘅我, 仲以为新嘢…真係好OUT!)

阿轩手执专用刀扭出原个菠萝肉, 将菠萝心弃掉, 之后加冰加水, 连同菠萝肉搅伴变沙冰, 再倒回入菠萝就成为原汁原味的菠萝沙冰.

轩:「一日平均开百几个菠萝…(吓??咁米开到手痹?), 唔会, 我哋有三个同事一齐, 不过另外两个去咗食饭啫」(日日撬30个菠萝都几係嘢)

家伦:「其实, 我哋通常下昼5点几就开定D菠萝, 所以唔驶佢哋三个咁赶啰」

菠萝沙冰好抢眼, 又够甜, 不会太酸, 而且就附又两片菠萝肉, 絶对是2人份量, 虽然我不太好沙冰, 但都觉得吸引. ($58蚊鲜果汁特饮…超抵啦…我见真係枱枱都叫架)

味道: ★★★★

呃Like指数: ★★★★★

推介度: ★★★★★

原来, 对于九龙仁来说, 要食原只 生果盅 , 根本不用山长水远走去新翠邨, 因为旺角黑布街一样有…(我好Out, 原来已经有了两年添…今次真係超老套)

这间糖水舖, 我经常由红磡坐小巴回旺角都见到, 可以说「睇住佢开」, 但从来未有冲动去试食, 想不到竟然禾秆冚珍珠.

她们下午4时营业, 今日我3时左右到达, Ashley:「唔紧要, 我哋都已经开咗架啦」(真正…今日成为佢哋第一个客添!!)

我:「唔该一个西瓜盅, 一个菠萝盅」, Amy说:「唔好意思, 菠萝有时令, 暂时未有, 不如要木瓜, 但要等, 我哋要出去买…木瓜只出咗一个星期」(好嘢??等等等…点都等)

于是今日便点了双瓜盅. 我问:「三款生果盅, 边款最多人叫?), Amy一边帮我挖空西瓜, 一边说:「一定係西瓜, 平均每日都卖到廿几个, 夏天够凉麻」

(点解咁大个蜜瓜, 係米有蜜瓜盅?) 女店员答:「唔係呀! 蜜瓜做盅太大个喇, 我哋係用嗰D蜜瓜粒啫…」

西瓜盅是先挖走大约三份二的西瓜肉, 再放入杂果, 及雪糕. (Amy好快手, 5分钟已经挖定半打西瓜…劲呀!磨打手一样)

三款生果盅, 都是先可以选择黑珍珠, 凉粉, 或西米做底, 之后杂果就有齐火龙果, 芒果, 蜜瓜, 西瓜, 雪糕则可以8款拣一款.

其实我心谂, 又要挖又要重新逐粒放回入盅内, 真的好花功夫.(日日係咁挖, 都唔知驶唔驶睇铁打添)

鎅开的西瓜盖, 每一个尖角也放一粒士多啤梨, 出来效果好靓, 似十足一个太阳, Ashley:「影相呃Like好啱架.」

味道: ★★★★

呃Like指数: ★★★★★

推介度: ★★★★★

(係米三个生果盅全部都係新推出架?) Ashley:「我哋个西瓜2年前开舖就有, 菠萝就上年有啰」(咁耐架喇, 唔挂之得前面都有间舖抄你哋啦)

木瓜盅的製作情况与西瓜相约, 不过Ashley要先将中间的果籽全部清理, 才将木瓜肉挖走, 再舖上杂果. (即係又再多咗一重功夫)

不过木瓜就则是「见几多, 食几多」, 今次我配了荔枝味雪糕, 为木瓜盅加了不少分.

(如果木瓜盅外围也舖上生果, 黑珍珠, 则似十足小舢舨畅游生果河中…应该超正得多)

原来, 生果盅的杂果可以自行拣选, 早知我叫佢走火龙果, 畀多啲芒果我啦…蚀底, 因为我都唔锺意食火龙果.

木瓜盅与西瓜盅的价钱一样, 不过…感觉西瓜抵得多, 因为西瓜内胆大得多, 而且吃毕雪糕, 杂果, 及凉粉后, 还有四份一西瓜肉可以食.

因为「食极都有」, 我还是强烈推介西瓜盅, 又甜又凉又大件. (都係嗰句…下次嚟…私人整份蜜瓜盅我啦…夕张蜜瓜…唔该)

味道: ★★★

呃Like指数: ★★★

推介度: ★★★

Sister Korea Café

地址: 沙田大围新翠邨新翠商场地下17,18&18A铺

电话: 2596 0018

Captain糖甜品专门店

地址: 旺角黑布街88号地下